2024-cü il fevralın 13-də Azərbaycan Texniki Universitetində bütün universitetlərin ictimai əlaqələr üzrə rəhbərlərinin geniş toplantısı keçirildi. Toplantını giriş sözü ilə Elm və Təhsil Nazirliyinin İctimaiyyətlə Əlaqələr və Kommunikasiya Şöbəsinin müdiri Səbuhi Rzayev açaraq, toplantının tanışlıq xarakteri, universitet nümayəndələri ilə üz-üzə görüşmək, ictimai əlaqələrin genişləndirilməsi məqsədi daşıdığını bildirdi.

Toplantıda Xəzər Universitetindən İctimai əlaqələr və media üzrə direktor Əlövsət Əmirbəyli iştirak etdi. O, təhsil nazirliyi nümayəndələrinə və toplantı iştirakçılarına universitetdə ictimai əlaqələr sahəsində görülən işlər haqqında geniş məlumat verdi.

Toplantıda iştirakçıları bu cür görüşlərin müntəzəm keçirilməsi və ali təhsil müəssisələrində ictimaiyyətlə əlaqələri daha da genişləndirmək haqqında yekdil fikrə gəldilər.