2024-cü il fevralın 5-də Dillər və ədəbiyyatlar departamentinin müəllimi, Dr. Sevinc Qəmbərova növbəti dəfə Azərbaycan Respublikasının Dövlət Dil Komissiyası yanında Monitorinq Mərkəzinin Real Televiziya ilə birgə təqdim elədiyi “Redaktor” verilişinin qonağı olmuşdur. Verilişin mövzusu “Ali məktəblərdə “Azərbaycan dilində işgüzar və akademik kommunikasiya” fənninin tədrisi” olmuşdur. Dr.Sevinc Qəmbərova fənnin təsviri, düzgün şəkildə təşkil edilməsi, fənn ilə bağlı mövcud ədəbiyyatlar, tədrisindən gözlənilən nəticələr və digər məsələlər haqqında danışmışdır.