2024-cü il yanvarın 30-da SOCAR və Xəzər Universiteti nümayəndələrinin görüşü keçirildi. Görüşdə SOCAR-ın vitse-prezidenti Dr.Arzu Cavadova, Yataqların qiymətləndirilməsi və ehtiyatların idarə olunması şöbəsinin rəis müavini Dr. Elvin Əhmədov, həmin şöbənin geoloqu Dr.Samirə Nəzərova, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Neft mühəndisliyi departamentinin müdiri Dr. Elşən Abdullayev, müəllimi Dr.Grigorii Penkov, assistenti və akademik məsləhətçisi Günay Muradova iştirak edirdi.

Görüş zamanı elmi əməkdaşlıq işinin strategiyası və gələcək tədqiqatların layihəsi Dr. Grigorii Penkov tərəfindən təqdim olundu. Həmçinin, geomexaniki modelin inkişafı ilə bağlı gələcək tədqiqat layihəsi pilot layihə kimi qəbul edildi. Bundan əlavə, Xəzər Universiteti ilə SOCAR arasında birgə vörkşoplar, seminarlar və konfransların keçirilməsi, tələbələrin beynəlxalq konfranslarda iştirakına dəstək məqsədilə əməkdaşlıq edilməsi müzakirə olundu.