2024-cü il yanvarın 31-də Beynəlxalq əlaqələr Şöbəsi və Tələbə məclisi ilə tanışlıq məqsədilə görüş baş tutub.

Görüşdə Beynəlxalq əlaqələr Şöbəsi müdiri Fatimə Vəliyeva, şöbənin koordinatoru Arzu Bədəlova, Tələbə məclisinin yeni prezidenti Hüseyn Musayev və Əcnəbi tələbələr klubunun sosial media meneceri Nigar Əsgərova iştirak ediblər.

Həmçinin, görüşdə Tələbə məclisinin yeni idarə heyətinin əcnəbi tələbələr ilə iş üzrə üzvü Maxim Penkov (psixologiya ixtisası üzrə magistrant) da təmsil olunurdu.

Görüş çərçivəsində Əcnəbi tələbələr klubu və Tələbə məclisinin ən son gördüyü işlər barədə müzakirələr aparılmış və gələcək yönümlü əməkdaşlıq tədbirləri planlaşdırılmışdır.

Məqsəd Tələbə məclisi və Əcnəbi tələbələr klubu arasında inteqrasiyanı təşkil etmək və əcnəbi tələbələrin tədbirlərdə iştirakını təmin etmək olub.