2024-cü il yanvarın 24-də Xəzər Universiteti Psixologiya departamentinin koordinatoru Mələk Kərimova İstanbulda (üz-üzə və onlayn) təşkil edilən Multidisiplinar Beynəlxalq VII Haliç Konfransında “Musiqi terapiyasının psixi rifahımızda rolu” adlı məruzə ilə çıxış edib. O, musiqinin insanlar üçün həm fiziki, həm də psixoloji təsirlərini açıqlamaqla yanaşı, musiqi terapiyasının insanların psixi rifahında tarixi keçmişini, müxtəlif növlərini və metodlarını, əhəmiyyətini, insan sağlamlığına müsbət təsirləri haqqında danışıb.

Məruzədə, eyni zamanda, musiqinin beynin nöroloji prosesləri, neurotransmitterlər və beynin strukturları üzərindəki müsbət təsirləri, insanların stress, depressiya və digər psixoloji çətinliklərlə mübarizədə rolu üzərində dayanılıb.

Məruzəçi musiqinin insan həyatında oynadığı mühüm rolu və musiqi terapiyasının psixi rifahın təşviqi üçün dəyərli alternativ vasitə olduğunu vurğulayaraq, konfrans iştirakçılarının suallarını cavablandırmaqla çıxışını yekunlaşdırıb.