2024-cü il yanvarın 18-də Xəzər Universitetinin Neftçilər kampusunda Tarix və arxeologiya departamentinin təşkilatçılığı ilə 20 yanvar – Ümumxalq hüzn günü ili ilə bağlı anım mərasimi keçirilib. Öncə 20 yanvar şəhidləri və Azərbaycanın müstəqilliyi uğrunda canından keçən bütün şəhidlərin müqəddəs ruhları bir dəqiqəlik sükutla yad edilib. Sonra isə Qanlı 20 Yanvarla bağlı videoçarx nümayiş etdirilib.
Tarix və arxeologiya departamentinin müdiri Dos. Telman Nüsrətoğlu Quliyev və İctimai əlaqələr və media üzrə direktor Əlövsət Əmirbəyli çıxış edərək, o müdhiş gecədə xalqımızın başına gətirilən misli görünməyən müsibətlər barədə ürək ağrısı ilə söz açıblar. Xəzər Universitetinin əməkdaşları və tələbələri də mövzu ilə bağlı fikir və mülahizələrini söyləyiblər.