2024-cü il yanvarın 17-də Xəzər Universitetinin Kompüter elmləri departamentinin doktorantı Mohammad Ali Mofleh Al Qudah`ın “Süni intellekt texnologiyalarının e-hökumətdə vətəndaş xidmətləri üçün tətbiqi” mövzusunda 1203.01 – “Kompüter elmləri” ixtisası üzrə texnika üzrə fəlsəfə doktoru elmi dərəcəsi almaq üçün təqdim etdiyi dissertasiya işinin departamentdə ilkin müzakirəsi keçirildi.

İclasda həm departament əməkdaşları, həm də ixtisas üzrə müxtəlif müəssisələrdən dəvət olunan mütəxəssislər iştirak etdilər. İlkin müzakirənin keçirilməsi qaydasına uyğun olaraq doktorantın təqdimatından sonra rəyçilərin rəyi dinlənildi, suallar verildi və çıxışlar oldu. İclasın yekununda dissertasiya işinin müvafiq dissertasiya şurasında müdafiəyə təqdim olunması qərara alındı.