2023-cü il dekabrın 26-da Həyat elmləri departamentinin təşkilatçılığı ilə Təbriz Tibb Universitetinin professoru Soudabeh Davaran Xəzər Universitetində “Hüceyrə əsaslı biomühəndislik və toxuma regenerasiyası üçün nanomateriallar (Advanced nanomaterials for cell-based bioengineering and tissue regeneration)” adlı seminar keçirmişdir.

Tədbiri Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı açaraq, biomühəndislik tədqiqatların və bu kimi tədqiqatlarda əməkdaşlığın vacibliyini vurğulamışdır.

Sonra seminar Prof. S.Davaran`ın toxuma mühəndisliyi və regenerativ tibbdə nanomaterialların, həmçinin yaraların sağalmasında təbii hidrogellərin istifadəsi, nanotibb haqqında geniş məruzəsi ilə davam etmişdir.

Seminarda universitetin akademik heyəti və tələbələr fəal iştirak etmiş, mövzu ətrafında maraqlı fikirlər səslənmiş, həmçinin gələcək əməkdaşlıq məsələləri müzakirə edilmişdir.