Siyasi elmlər və fəlsəfə departamentinin müdiri Dr. Orxan Vəliyev 2023-cü il dekabrın 29-da FÜYUZAT TV-nin qonağı olub. Çəkiliş Xəzər Universiteti Neftçilər kampusunun kitabxanasında baş tutmuşdur. Proqramda Azərbaycanın milli tərəqqisi məsələsi “Türkçülük”, “Azərbaycançılıq” kimi başlıqlar çərçivəsində müzakirə edilmişdir.

Dr. Vəliyev Azərbaycanda modern milli inkişafın, fikrin on doqquzuncu əsrin sonlarından etibarən türkçülük kontekstində cərəyan etdiyini, bununla bərabər fərqli və suveren bir dövlət olmağın ali şərtləri nəzərə alındıqda Azərbaycanın siyasi sistemini, sosial nizamını Azərbaycançılıq çərçivəsində inşa etdiyini ifadə etmişdir. Proqramda 44 Günlük müharibədən sonra institutlaşan Türk Dövlətlər Təşkilatı və Türk Dünyasının gələcəyi də müzakirə edilmişdir.

Kitabxana rəhbərliyinə çəkiliş üçün yaratdıqları imkandan ötrü təşəkkür etmişdir.

https://www.youtube.com/watch?si=CgvK0Pf4vn_tifyQ&v=OIcE6AYQcy0&feature=youtu.be