2023-cü il dekabrın 18-də Dövlət Miqrasiya Xidmətində (DMX) - Beynəlxalq Miqrant Günündə Ümummilli Lider Heydər Əliyevin anadan olmasının 100 illiyi münasibətilə əcnəbi gənclərin və tələbələrin iştirakı ilə “Müxtəliflikdən birliyə: Heydər Əliyevin multikulturalizm və gənclər siyasətinin miqrantların inteqrasiyasına töhfəsi” adlı tədbir keçirilib. Tədbirdə Xəzər Universitetinin Beynəlxalq əlaqələr şöbəsinin koordinatoru Turan Əlizadə və Çin vətəndaşı - Təbiət elmləri, sənət və texnologiya yüksək təhsil fakültəsinin tələbəsi Yuxuan Tang iştirak etmişlər.
Azərbaycanda yaşayan əcnəbilərin ölkəmizlə bağlı düşüncələrinin ekranlaşdırıldığı “Müxtəliflikdən birliyə: Azərbaycandan miqrant səsləri” adlı videoçarx nümayiş olunub. Həmin videoçarxda Yuxuan Tang da iştirak etmişdir.
Tədbirdə əcnəbi tələbələrin iştirakı ilə “Azərbaycanı nə qədər tanıyıram?” adlı intellektual yarış da keçirilmişdir.