2023-cü il dekabrın 5-də Strasburq Universiteti və Xəzər Universitetinin nümayəndələrinin iştirakı ilə toplantı keçirildi. Görüşdə Strasburq Universitetinin prorektoru Prof. Yan-Mark Planeks, UFAZ-ın direktoru Dr. Lətifə Nəsibova, UFAZ-ın baş katibi Dr. Elizaveta Budanova, Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı, universitetin rektoru Dos. İradə Xəlilova, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Beynəlxalq əlaqələr şöbəsinin müdiri Fatimə Vəliyeva iştirak edirdi. Görüş zamanı gələcək birgə işlər müzakirə edilib. İki universitet arasında əməkdaşlıq, tədqiqat qruplarının yaradılması və birgə seminarların keçirilməsi planlaşdırılıb. Görüşün sonunda rektor Xəzər Universiteti adından qonaqlara hədiyyə təqdim edib.