2023-cü il dekabrın 20-də Xəzər Universiteti Siyasi elmlər və fəlsəfə departamentinin təşkilatçılığı ilə İzmir Katip Çələbi Universitetinin professoru Didem Buharinin “Siyasət və beynəlxalq münasibətlərdə tədqiqatları necə aparmaq olar?” ("How to do Research in Politics and International Relations?") mövzusunda onlayn seminar seminarı keçirilib. Seminarda departament müdiri Dr. Orxan Vəliyev, departamentin müəllimləri və tələbələr iştirak ediblər.

Dr. Orxan Vəliyev tədbiri açıq elan edəndən sonra Prof. Didem Buhari öz çıxışında tədqiqat mövzusunun düzgün seçilməsinə, bu mövzuda toxunulmamış və cavablandırılmamış məsələlərin müəyyən edilməsinə, seçilmiş mövzuya qərəzsiz və obyektiv yanaşma prinsiplərinə və digər təfərrüatlara diqqət çəkmişdir. Təqdimatdan sonra doktorant tələbələrin sualları cavablandırılmışdır.