2023-ci il dekabrın 16-da Xəzər Universitetində AMEA Arxeologiya, Etnoqrafiya və Antropologiya İnstitutunun Antropologiya Mərkəzinin rəhbəri, antropologiya elmləri doktoru, professor Əliağa Məmmədlinin “Şahdağın etnomədəni cəmiyyətləri: keçmiş ilə gələcək arasında" adlı mühazirəsi dinlənilib. Tarix və arxeologiya departamentinin təşkilatçılığı ilə keçirilən tədbirdə departamentin müəllimləri - tarix üzrə fəlsəfə doktoru Yaqub Məmmədov, Orxan Zamanov, Ülviyyə Səfərova, Humanitar, təhsil və sosial elmlər fakültəsinin “Tarix müəllimliyi” və “Tarix-Coğrafiya” ixtisasında təhsil alan I kurs tələbələri, eləcə də mövzu ilə maraqlanan qonaqlar iştirak ediblər.

Etnik qrupların öyrənilməsi sosial-mədəni antropologiyanın ən mühüm istiqamətlərindən biri olduğu üçün mühazirə və müzakirələr əhəmiyyətli olmuşdur.