2023-cü il noyabrın 30-da Xəzər Universitetinin Həyat elmləri departamentinin təşkilatçılığı ilə Buzovnada yerləşən “Xəzər İnci” otelinin konfrans zalında “Dünya Vahid Sağlamlıq Günü”nə həsr olunmuş maarifləndirici seminar keçirilmişdir. Seminarda Həyat elmləri departamentinin professor-müəllim heyəti ilə yanaşı, departamentin tələbələri də fəal iştirak etmişdir.

Seminarda Həyat elmləri departamentinin müəllimi Çiçək Əliyeva “Zoonoz” xəstəliklər, onların törədiciləri, yayılma səbəbləri və qorunma tədbirləri haqqında geniş məruzə etmiş, tələbələrin çoxsaylı suallarını cavablandırmış və mövzuya uyğun ətraflı diskussiya aparılmışdır.

Seminarından sonra iştirakçılar Xəzər dənizi ətrafında çimərlik ərazisinin təmizlənməsinə cəlb olunmuşdur.

Tədbir Azərbaycanda və bütün dünyada insanlara, heyvanlara və ekosistemlərə təsir edən səhiyyə problemlərini tanımaq və bu barədə məlumatlılığı artırmaq məqsədi daşıyırdı.