2023-cü il noyabrın 27-də Karyera Mərkəzinin təşkilatçılığı ilə “Norm sement” şirkəti tərəfindən “Faydalı başlanğıc üçün məsləhətlər (yumşaq bacarıqlar)” (“Tips for Advantageous Start (Soft Skills)” adlı təlim keçirilib. Təlimin məqsədi barədə şirkətin Təminat və kapital xərclər üzrə direktoru Serdar Çamdal məlumat verərək, təlimə başlayıb. Sonra o, tələbələrə “yumşaq bacarıq”ların nə olduğunu, onları qazanmağın yollarını izah edib. Təlimin sonunda tələbələrə müvafiq ədəbiyyat tövsiyə olunub. 

***

2023-cü il noyabrın 28-də Karyera Mərkəzinin təşkilatçılığı ilə “Norm sement şirkəti”nin “Reading Financial Statements” maliyyə hesabatlarının oxunmasına aid təlimi baş tutub. Bu təlimi Maliyə meneceri Dünyamin Səfərəliyev keçirib. O, tələbələrə “Norm”un prinsipləri və məhsulları haqqında məlumat verib, maliyyənin nə olduğunu və bu sahəni seçməyin mahiyyətini açıqlayıb. Sonra menecer tələbələrə “Norm sement”in maliyyə hesabatlarını göstərərək, onları necə oxumağın, nələrə diqqət yetirməyin vacibliyini və hesablamalar aparmağın yollarını izah edib.

Sonda Dünyamin Səfərəliyev tələbələrin suallarını cavablandırıb. 

***

2023-cü il dekabrın 6-da Karyera Mərkəzinin təşkilatçılığı ilə “Norm sement” şirkətinin növbəti təlimi də keçirilib. Bu təlim isə “Kommersiya əməliyyatları -başlanğıcdan bazar lideri olana qədər” “Commercial Operations (Starting from beginning till being of market leader)” mövzusuna aid olub. Təlimi Neft quyusu sement və texniki satış meneceri Fuad Məmmədov keçirib.

İki hissədən ibarət olan təlimin birinci hissəsində kommersiya əməliyyatları haqqında məlumat verilib və bunlardan təcrübədə necə istifadə etməyin yolları izah olunub. İkinci hissədə tələbələrlə interaktiv oyun keçirilib. Onlar 2 komandaya bölünüblər və hər birinin əlindəki limitsiz maliyyə sənədləri ilə hansı biznesi qura biləcəklərinin mümkünlüyü araşdırılıb. Hər iki komanda öz biznes planını qurub və komanda liderləri öz biznes planlarını auditoriyaya təqdim ediblər.

Tələbələrlə aparılan sual-cavab prosesi ilə tədbir başa çatıb.