Siyasi elmlər və fəlsəfə departamentinin müdiri Dr. Orxan Vəliyevin 1911-ci ildən fəaliyyət göstərən “Türk Yurdu” jurnalının Türkiyə Respublikasının 100 illiyinə həsr edilmiş “Respublikanın 100-cü ilində Türk xarici siyasəti” adlı xüsusi nömrəsində (dekabr 2023, sayı 436) “Respublika dövründə Türkiyə-Azərbaycan münasibətləri” mövzusunda məqaləsi dərc olunmuşdur.
Dr. Vəliyev məqaləsində iki ölkə münasibətlərinin Qafqaz İslam Ordusu, Cümhuriyyət sonrası, Soyuq müharibə dövrü, müstəqillik dövrü, Qarabağ zəfəri və Şuşa bəyannaməsi mərhələlərini şərh etmişdir. Müəllifin məqalədə gəldiyi nəticəyə görə, Qarabağ zəfəri və Şuşa bəyannaməsinin imzalanması ilə iki ölkə arasındakı münasibətlər institutlaşma mərhələsinə daxil olmuşdur.