2023-cü il noyabrın 29-da Xəzər Universitetində digər universitetlərin də tələbələrinin iştirakı ilə Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyi tərəfindən maliyyələşdirilən “Smart Solutions” inkubasiya proqramının ilk təlimi keçirildi. Bu innovasiya proqramı Xəzər Universitetində Creative Spark layihəsi çərçivəsində yaradılan Enterprise Hub platforması daxilində təşkil edilir.
“Smart Solutions” inkubasiya proqramı altı ay müddətində davam edəcəkdir. Tələbələr proqram müddətində komanda şəklində 10 günlük təlim düşərgəsində iştirak edəcəklər. Təlim düşərgəsindən sonra komandalar onlayn və üz-üzə olaraq mentorlar ilə birlikdə layihələrinin üzərində işləyəcəklər. Proqramın sonunda komandalar final tədbirində öz layihələrini təqdim edəcəklər. Sonda ən yaxşı üç komandaya mükafat və gələcək bizneslərinin inkişafı üçün dəstək veriləcəkdir.