2023-cü il noyabrın 28-29-da Cintana Education-ın Akademik işlər üzrə baş işçisi Dr. Agueda Benito Xəzər Universitetində ikigünlük səfərdə olmuşdur.

Səfərin ilk günündə Dr. Benito universitet əməkdaşları üçün "Positive leadership” adlı seminar keçirdi. Ardınca xanım Aguedanın iştirakı ilə universitet tələbələri üçün “Global leadership” adlı panel baş tutdu. Panel fərqli ixtisaslarda təhsil alan tələbələrlə diskussiya formatında keçdi. Panel tələbələrin sual-cavab sessiyası ilə başa çatdı.

Təlimin ikinci günündə Dr. Agueda Benito Xəzər Universitetinin akademik heyəti ilə görüşmüş, tədqiqat, beynəlxalq əlaqələrin gücləndirilməsi, tədrisin keyfiyyətinin artırılması, potensial yeni ixtisaslar və s. kimi mövzularda təlim iştirakçıları ilə interaktiv diskussiya aparmışdır.

İkigünlük tədbirdə Xəzər Universitetinin təsisçisi, Direktorlar və Qəyyumlar Şurasının sədri Prof. Akad. Hamlet İsaxanlı, rektor Dos. İradə Xəlilova, Tədris işləri üzrə prorektor Məhəmməd Nuriyev, fakültə dekanları, departament müdirləri, professor-müəllim heyəti, tələbələr iştirak etmişlər.