2023-cü il dekabrın 1-də Xəzər Universitetində sinxron tərcüməçi Ramal Xosrovzadənin İngilis dili və ədəbiyyatı departamentinin tələbə və müəllim heyəti ilə görüşü təşkil edilib. Tədbir Xəzər Universitetində yeni yaradılmış “Tərcümə mərkəzi”nin koordinatoru Elvin Abbasbəylinin təşəbbüsü və İngilis dili və Ədəbiyyatı Departamentinin müdiri Milana Abbasovanın dəstəyi ilə keçirilib.

Tədbiri giriş sözü ilə açan Elvin Abbasbəyli görüş iştirakçılarına “Tərcümə mərkəzi”nin yaradılma səbəbi və gələcək planları haqqında məlumat verib sinxron tərcüməçi peşəsindən və öz təcrübəsindən danışıb, tələbələrin çoxsaylı suallarını cavablandırıb.

Görüşün sonunda Milana Abbasova bu cür tədbirlərin keçirilməsinin tələbələr üçün çox faydalı olduğunu qeyd edib.