2023-cü il noyabrın 30-da Xəzər Universitetində Latviya Respublikasının Azərbaycandakı səfirliyi, BMT-nin Azərbaycandakı Nümayəndəliyi və İsveçrənin Azərbaycandakı səfirliyi ilə birgə əməkdaşlıqla Beynəlxalq Müasir İncəsənət Layihəsi “Qız Qalası. Qadın olmaq” adlı təqdimat göstərilmişdir. Bu layihədə Xəzər Universiteti aparıcı tərəfdaşlardan biridir.

Tədbirdə Latviyanın Azərbaycandakı səfirliyinin missiya rəhbərinin müavini xanım Vija Buşa, peşəkar rəssam və kurator Səbinə Şixlinskaya, müstəqil tədqiqatçı Əfsanə Tahirova, Xəzər Universitetinin rektoru İradə Xəlilova, Memarlıq və dizayn departamentinin müdiri Şəhla Abbasova, Beynəlxalq əlaqələr şöbəsinin müdiri Fatimə Vəliyeva, Humanitar, təhsil və sosial elmlər fakültəsinin dekan müavini Aygün Verdiyeva, Memarlıq və dizayn departamentinin müəllimi Mehdi Samadi, Beynəlxalq əlaqələr üzrə koordinatorları Turan Əlizadə və Arzu Bədəlova iştirak etmişlər.

Təqdimatın əsas məqsədi “Qadınlar sülh uğrunda” devizi idi. Layihənin mövzusu qadınların həyatı, onların cəmiyyətdəki rolu və problemlərinə həsr olunmuşdu. Layihənin hər bir elementi incəsənət və mədəniyyət vasitəsilə sosial inteqrasiyanın təşviqi və gücləndirilməsinin yeni strategiyasında mühüm rol oynamışdır. Təqdimatın adı Bakının simvollarından biri hesab edilən Qız qalasının adından götürülmüşdür.