2023-cü il noyabrın 26-da Xəzər Universitetinin Əcnəbi tələbələr klubu universitetin yerli və xarici tələbələri üçün “Muzey Günü” tədbiri keçirib.

Gəzinti çərçivəsində ilkin olaraq Azərbaycan Dövlət Rəsm Qalereyasına ekskursiya təşkil edilib. Klubun işçi heyəti qalereyada nümayiş olunan müxtəlif rəsm əsərləri barədə tələbələrə məlumat verib. Sonra əcnəbi tələbələr dünyada ilk dəfə açılmış özəl Miniatür Kitab Muzeyində toplanan eksponatlarla bələdçi köməyi ilə tanış olublar.

Günün sonunda isə tələbələr üçün Dağüstü Park ərazisinə gəzinti təşkil edilib və onlar üçün nahar, çay süfrəsi açılıb.