Mən, Dəniz Üste, Xəzər Universitetinin MBA (Mediasiya ixtisası) birinci kurs tələbəsiyəm. Niyə bəs Xəzər Universitetini seçdiyimin əsas səbəbini soruşsanız, sizə bu barədə bir az ətraflı məlumat verərəm.
Əvvəla, ilk olaraq araşdırmalarım nəticəsində bu universitetinin beynəlxalq sferada reytinqi və uğurları məni məhz “Xəzər”də təhsil almağa həvəsləndirdi. Çünki beynəlxalq universitetdə təhsil almaq həm gələcək karyeram, həm də özümü təkmilləşdirmək baxımından olduqca faydalıdır. Türkiyədə hüquq fakültəsini bitirmişəm və hazırda hüquqşünas kimi çalışıram. Düşünürəm ki, magistr təhsili almaq mənim peşəkarcasına təkmilləşməyimdə mühüm rol oynayacaq. İnanıram ki, Xəzər Universitetində daha çox uğur qazanacağam.
Türkiyə vətəndaşı olduğum üçün oxşar mədəniyyətinizin də burada şahidi oldum. İsti və mehriban öyrənmə mühiti olduğu üçün indiyədək təhsil prosesində heç bir çətinliklə qarşılaşmamışam. Bir sözlə, indiyə qədər həm təhsil, həm də kampus həyatımda hər şey yaxşı və məhsuldar gedir. Təhsil prosesimi uğurla başa vuracağıma şübhə ola bilməz.