2023-cü il noyabrın 17-18-də Azərbaycan Respublikasının Təhsil İnstitutu tərəfindən Bakı Dövlət Universitetində təşkil edilən və Ümummilli lider Heydər Əliyevin 100 illiyinə həsr olunan “Doktorantların və gənc tədqiqatçıların XXVI Respublika elmi konfransında Xəzər Universitetinin Siyasi elmlər və fəlsəfə departamentinin müdiri Dr. Orxan Vəliyev də iştirak edib.

Konfransı Bakı Dövlət Universitetinin rektoru Elçin Babayev açıq elan edib, sonra isə Azərbaycan Respublikası elm və təhsil naziri Emin Əmrullayev, Azərbaycan Milli Elmlər Akademiyasının prezidenti akademik İsa Həbibbəyli və Azərbaycan Təhsil İnstitutunun direktor səlahiyyətlərini icra edən Elnur Əliyev nitq söyləyiblər. Elnur Əliyev çıxışında konfransa qəbul edilən məqalələr haqqında məlumat vermişdir.

Açılışdan sonra konfrans öz işinə bölmələrdə məqalələrin təqdimatı ilə davam edib. Konfrans bağlanış tədbiri və hesabat iclası ilə öz işinə yekun vurmuşdur.