2023-cü il noyabrın 13-17-də Xəzər Universiteti Memarlıq və dizayn departamentinin müəllimi Mehdi Samadi Erasmus+ işçi heyətinin mübadiləsi proqramı (KA107) çərçivəsində İspaniyanın Escola de’Art i Superior de Disseny de Castello Universitetində (EASD Castello) keçirilmiş Beynəlxalq Mobillilik Həftəsində iştirak etmişdir.
Proqram, əsasən, yaradıcılıq layihələri üzərində qurulmuşdur. Bir neçə ölkənin iştirakçıları incəsənətin müxtəlif sahələrində layihələrini seminar və vörkşop şəklində təqdim ediblər.
Mehdi Samadi öz layihəsini Azərbaycan və İspaniyanın tətbiqi sənətini özündə birləşdirən vahid bir kompozisiyada təqdim edib. Əvvəlcə onun hər iki ölkənin tətbiqi sənəti haqqında hazırladığı seminar təşkil olunub. Sonra kompozisiyasını qurmaq prosesi başlanıb. İlk olaraq daş üzərində qurulub, sonrakı mərhələdə oyma işi davam edib və sonda isə daşda yonulan naxışlar rənglənib. İş prosesi vörkşopda iştirak edən müəllimlər və tələbələr tərəfindən maraqla qarşılanıb və sonda həmin iş EASD Castello Universitetinin rəhbərliyi tərəfindən universitetdə quraşdırılaraq, oranın daimi kolleksiyasında yer alıb.
Mehdi Samadinin seçdiyi bu mövzüdan məqsəd Azərbaycanın ən dəyərli sərvətlərindən biri olan xalça yaradıcılığını təbliğ etmək olub.