2023-cü il noyabrın 10-da Xəzər Universitetində Təbiət elmləri, sənət və texnologiya yüksək təhsil fakültəsinin və Neft mühəndisliyi departamentinin təşkilatçılığı ilə məruzəçi Turqut Əhmədovun online şəkildə “Improved Methods for Upscaling of Fluid Flow” (“Maye axınının modelinin miqyasının artırılması üçün tətbiq edilən innovativ metodlar”) adlı seminarı keçirilib. Seminarda "Neft mühəndisliyi" ixtisası üzrə bakalavr pilləsinin, "Neft və qaz yataqlarının işlənməsi və istismarı" ixtisası üzrə magistr pilləsinin tələbələri və universitetin əməkdaşları iştirak ediblər.

Məlumat üçün bildirək ki, məruzəçi Turqut Əhmədov “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə xaricdə doktorantura təhsili” proqramı çərçivəsində Azərbaycan Respublikasının Təhsil Nazirliyi və Xəzər Universiteti ilə üçtərəfli müqavilə əsasında Amerika Birləşmiş Ştatlarının "Texas A&M” Universitetində doktorantura təhsili alır.