Kərkük şairi, araşdırmaçı-yazar, ictimai xadim Dr. Şəmsəddin Kuzəçi ilə görüş

15 May, 2025Prof.Akad. Hamlet İsaxanlı Azərbaycan Texniki Universitetində “Universitet-Sənaye Əməkdaşlığı, İstiqamətlər, Nümunələr və Süni İntellekt” adlı Beynəlxalq Forumda

15 May, 2025Dillər bölməsinin koordinatoru “Uluslararası Rumeli Sosial Elmlər Konqresi”ndə

14 May, 2025Xəzər Universiteti ilə "Azərbaycan Sərgi Təşkilatçıları Assosiasiyası" arasında memorandum imzalandı

14 May, 2025Dillər bölməsinin koordinatoru elmi konfransda

13 May, 2025Riyaziyyat departamentinin professorlarının birgə məqaləsi “Annales Mathematicae Silesianae” jurnalında

13 May, 2025“Ünsiyyət bacarıqlarının inkişafı”mövzusunda tədbir

Kərkük şairi, araşdırmaçı-yazar, ictimai xadim Dr. Şəmsəddin Kuzəçi ilə görüş

2023-cü il noyabrın 4-də Xəzər Universiteti Mövlana Ədəbi-Fəlsəfi Araşdırmalar İnstitutunda görkəmli Kərkük şairi, araşdırmaçı-yazar, ictimai xadim Dr. Şəmsəddin Kuzəçi ilə görüş keçirildi. Görüşdə qocaman alim, Kərkükü və Kərkük ədəbiyyatını Azərbaycan oxucusuna tanıdan və sevdirən, əməkdar elm xadimi, Prof. Qəzənfər Paşayev, Hollandiya Kərkük diasporunun sədri Neşet Əhməd, Dos. Şəlalə Ana, Dos. Xatirə Yusifova, Şəhram Oromi, Xəzər Universitetinin tələbələri iştirak edirdilər.

Mövlana Ədəbi-Fəlsəfi Araşdırmalar İnstitutunun direktoru Dos. Nəzakət Məmmədli qonaqları salamlayaraq, Kərkükün Azərbaycan üçün böyük önəm daşıdığını söylədi.

Prof. Qəzənfər Paşayev Kərkük ədəbiyyatı, folkloru, Şəmsəddin Kuzəçinin yaradıcılıq yolu barədə məlumat verdi. Qeyd etdi ki, Dr. Şəmsəddin Kuzəçinin ikicildlik "Çağdaş İraq Türkman şairləri" kitabı İraq, Türkiyə, Azərbaycan və başqa türk ellərində çap olunub, oxucuların rəğbətini qazanıb.

Dr. Şəmsəddin Kuzəçi məhsuldar tədqiqatçıdır. Onun 60-dan artıq kitabı çap olunub. Alimin “Poets of Kerkuk" ( “Kərkük şairləri”, Ankara, 2014), "İraki Press history" ("İraq Basim tarixi", Ankara, 2023) kitabları o deməkdir ki, Dr. Şəmsəddin Kuzəçi Beynəlxalq aləmə çıxan və buna haqqı olan tədqiqatçıdır.

Dos. Şəlalə Hümmətli Şəmsəddin Kuzəçinin Azərbaycanla sıx əlaqələrindən danışdı. Qeyd etdi ki, Azərbaycanda "VEKTOR" Beynəlxalq Elmi Mərkəzinin "Fəxri doktoru" adına layiq görülüb. 2022-ci ildən Türk Dünyası Akademiyasının, 2023-cü ildən isə AMEA Nizami adına Ədəbiyyat İnstitutunun “Fəxri professoru”dur.

Sonra Şəmsəddin Kuzəçi çıxış edərək, taleyinə ağır sınaqlar düşən Kərkükün tarixindən və bü günündən, milli kimliyinə sahib çıxan Kərkük insanının qarşılaşdığı çətinliklərdən danışdı. Sonda şair öz şeirlərindən və xoyrat adlanan Kərkük bayatılarından nümunələr oxudu. Tələbələrin suallarına cavab verdi, onlara öz kitablarını hədiyyə verdi.

Ş.Kuzəçi Kərkük Kültür Dərnəyi adından Mövlana Ədəbi-Fəlsəfi Araşdırmalar İnstitutunun direktoru Dos. N.Məmmədlini “Kərkük-Türkməneli mədəniyyətinə, sənətinə və ədəbiyyatına Xidmət Fərmanı” ilə təltif etdi.