2023-cü il noyabrın 3-də Xəzər Universitetinin Humanitar, təhsil və sosial elmlər fakültəsinin ikinci və üçüncü kurs tələbələrinin fənn müəllimi Orxan Zamanovun təşkilatçılığı və “İçərişəhər” Muzey Mərkəzinin” direktor müavinləri Nahidə Bəkirova və Fidan Seyidovanın dəstəyi ilə “Qala” Dövlət Tarix Etnoqrafiya Qoruğuna ekskursiyası təşkil edildi.

Tarix-coğrafiya müəllimliyi və tarix müəllimliyi ixtisasları üzrə təhsil alan tələbələrdən ibarət qrupa bələdçi tərəfindən açıq səma altında nümayiş olunan eksponatlarla yaxından tanış olmaq və onlar barədə geniş məlumat almaq imkanı yaradıldı.

Qoruğa səfər tələbələr tərəfindən maraqla qarşılandı, suallar və müzakirələr ilə keçən ekskurs-dərs xatirə fotoları ilə yekunlaşdı.