Xəzər Universitetinin təsisçisi, Direktorlar və Qəyyumlar Şurasının sədri, Riyaziyyat departamentinin professoru, akademik Hamlet İsaxanlının və eyni departamentin professoru Biləndər Allahverdiyevin “Impulsive regular q-Dirac systems” (“İmpulsiv requlyar q-Dirak sistemləri”) adlı birgə məqaləsi “Electronic Journal of Differential Equations” jurnalında (2023, Cild 2023, № 74) dərc edilmişdur. Qeyd edək ki, “Electronic Journal of Differential Equations” jurnalı “Web of Science” və “Scopus” verilənlər bazalarında indeksləşdirilib.

Məqalədə impulsiv şərtləri olan requlyar q-Dirak sistemi tədqiq edilir. Baxılan sistemin həllinin mövcudluğu, müvafiq operatorun simmetrikliyi, məxsusi qiymətləri və məxsusi funksiyaları araşdırılır. Bundan başqa, sistemin Qrin funksiyası qurulur və onun əsas xassələri incələnir.

Məqaləyə keçid: 

https://ejde.math.txstate.edu/Volumes/2023/74/allahverdiev.pdf 

https://ejde.math.txstate.edu/