2023-cü il oktyabrın 18-20-də ADA universitetində UNESCO Milli İştirak Proqramı çərçivəsində “Akademik liderlik rolu üçün qadınların peşəkar bacarıqlarının gücləndirilməsi” üzrə milli seminarın ikinci hissəsi keçirilib.

3 günlük seminarda Xəzər Universitetini Beynəlxalq Əlaqələr şöbəsinin koordinatoru Arzu Bədəlova və rektorun köməkçisi Humay Hüseynova təmsil ediblər.

Seminarın məqsədi qadınların ali təhsil müəssisələrində və ümumi elmi cəmiyyətdə rəhbər vəzifələrdə kifayət qədər təmsil olunmaması ilə bağlı hazırkı vəziyyəti araşdırmaq, idarəetmədəki qadınların liderliyinə mane olan amilləri müəyyən etmək və müzakirələr aparmaqdır.

Seminarda BMT-nin Azərbaycandakı rezident əlaqələndiricisinin ofisində Əlaqələndirmə üzrə müşavir Şəms Mustafayeva, ADA Universitetinin Media və kommunikasiya proqramının direktoru Şəfəq Mehralıyeva və digər təlimçilər praktiki məşğələlər və seminarlar vasitəsilə liderlik və peşəkar inkişaf vərdişlərinin artırılması, rəhbərlikdə gender bərabərliyinin təşviqi mövzularında çıxış etmişlər.

Tədbir müzakirə və sertifikat təqdimatı ilə başa çatmışdır.