Xəzər Universitetinin Həyat Elmləri Departamentinin professor-müəllim heyəti nərə balıqlarının hazırkı vəziyyətinin qiymətləndirilməsi üçün 17 iyun 2022-ci il tarixində azfish fermer təsərrüfatında olmuşlar. Xəzər dənizinin unikal və qiymətli nərə balıqları populyasiyalarını qorumaq üçün davamlı inkişaf strategiyaları nəzərdən keçirilməli, müxtəlif regionlardakı təsərrüfatlar əməkdaşlıq etməlidir. Bu strategiyanın modifikasiyası nərə balığının uzunmüddətli yaşamasını və Xəzər dənizinin ekosisteminin qorunmasını təmin etmək üçün mühüm addımdır. Bundan əlavə, milli və beynəlxalq təşkilatlarla əməkdaşlıq nəsli kəsilmək təhlükəsi altında olan balıq növlərindən birinin uzunmüddətli yaşaması üçün çox vacibdir.