4-8 iyul 2022-ci il tarixlərində Təbiət elmləri, Sənət və Texnologiya yüksək təhsil fakültəsinin dekanı dosent Səidə Şərifova, dekan müavini b.ü.f.d. Məhəmməd Eldarov və Həyat Elmləri departamentinin dosenti Cavid Ocaqi mədəni bitkilərin yabanı əcdadlarının in situ yayılmasını və populyasiya strukturunu öyrənmək məqsədilə Azərbaycanın müxtəlif bölgələrində elmi ekspedisiyada olmuşlar. Ekspedisiya zamanı müxtəlif marşrutlar üzrə 100-dən çox mədəni bitkinin (buğda, arpa, yulaf, sorqo, yulaf, çovdar, vicia, yonca, trifolium, astragalus, yabanı soğan, yabanı yerkökü, yabanı alma və s.) yabanı əcdadları tədqiq edilmişdir. Bir çox bitkilərin yeni yayılma arealları müəyyən edilmişdir. Toplanmış bitkilərdən alınan məlumatlar beynəlxalq deskriptor formasına daxil edilmiş, GPS-dən istifadə etməklə üçölçülü coğrafi göstəricilər müəyyən edilmişdir.