2023-cü il oktyabrın 20-də Xəzər Universitetinin Psixologiya departamentinin koordinatoru Mələk Kərimova AZTV kanalında Xədicə Sənanqızı və Elnur Kərimovun təqdimatında yayımlanan "Gün başladı" verilişinin qonağı olub.
Verilişdə “Qadın və kişi münasibətlərinin gender aspektinə əsasən təhlili” mövzusunda geniş müzakirələr aparılıb. Xüsusilə qadınların cəmiyyətdə son ildə artan sosial rolları, həmçinin ailə məsuliyyətləri üzərində dayanılıb. Gender rolları və stereotiplərin kişi və qadın münasibətlərinin dinamikasına əhəmiyyətli dərəcədə təsir göstərə bildiyi müzakirə olunub. Bütün bunlarla yanaşı, qadınların psixi və zehni sağlamlıqlarının qorunması üçün sosial rollarının balanslaşdırılmasının əhəmiyyəti vurğulanıb.