Xəzər Universiteti enerji səmərəliliyinin və təmiz enerjinin yaxşılaşdırılmasına yönəlmiş yerli sənayedə çalışan sahibkarlarüçün ödənişsiz təlim keçirdi

5 noyabr 2022-ci il tarixində Xəzər Universiteti enerji səmərəliliyini artırmaq və təmiz enerji təcrübələrini təşviq etmək məqsədi ilə yerli sənayedə çalışan sahibkarlar üçün pulsuz təlimlər təklif etmişdir. Tədbirdə Xəzər Universitetinin əməkdaşları, tələbələr və AGGREKO və İSG MMC şirkətlərinin rəhbərləri iştirak edirdilər. Bu tədbirin məqsədi Universitetin hüdudlarından kənarda 100% bərpa olunan enerjiyə dair ictimai fikirləri cəlb etməkdir. Tədbirdə enerji səmərəliliyinin və təmiz enerjinin yaxşılaşdırılmasına aid fəaliyyət planları təklif edildi. Təlimdə iştirak edən sahibkarlara enerji sərfiyyatının azaldılması üsulları haqqında məlumat verildi. Sonda şirkətlər və universitet arasında 100% bərpa olunan enerjidən istifadəyə keçid etməklə bağlı davamlı əməkdaşlıq edilməsi haqqında razılığa gəlindi. Bu təlim bütün ictimaiyyətə açıq elan edilmişdir. Bütün iştirakçılara bərpa olunan enerji üsulları haqqında hazırlanmış kitabçalar təqdim olundu.