2022-ci ilin sentyabrın 3-dən etibarən Xəzər Universitetinin mövcud olan bütün kampuslarında istiliyin ötürülməsi və enerji itkisinin azaldılması üçün günəş enerjisini içəri yaxşı ötürə bilən geniş çərçivəli və ikiqatlı şüşə pəncələrdən istifadə edilmişdir. Digər tərəfdən dərs otaqlarında və laboratoriyalarda enerji sərfiyyatını minimum tutan elektrik avadanlıqlarından və cihazlardan istifadə edilməyə başlanıldı. Universitetin kampuslarında “Passiv günəş enerjisi ilə işləyən bina dizaynı” sistemlərdən istifadəyə üstünlük verilir. Həmçinin Xəzər Universitetinin bəzi dərs otaqlarında enerjiyə qənaət və bərpa olunan enerji istehsalı hədəflərini nəzərə alaraq enerji sərfiyyatı üçün günəş panellərindən istifadə edilməkdədir. Gələcəkdə Universitetin elektrik enerjisi öhdəliyinə bərabər əlavə həcm yaratmaq üçün bərpa olunan enerji generatorlarından da istifadə edilməsi nəzərdə tutulur və bunun üçün aidiyyatı şirkətlərlə danışıqlar aparılır.