2023-cü il oktyabrın 19-da Nizami Kino Mərkəzində İkinci Qarabağ müharibəsində şəhid olmuş Xəzər Universitetinin magıstr MBA tələbəsi Cavid Mikayıl oğlu Həsənova həsr olunmuş “Yuxumdakı şəhid” adlı tədbir və eyni adlı filmin təqdimatı keçirildi.
Anım mərasimində şəhid anaları, hökumət nümayəndələri, universitet rektorları, iş adamları, Qeyri-hökumət təşkilatlarının nümayəndələri, media mənsubları və digər şəxslər iştirak etdilər.
Tədbirdə Xəzər Universitetinin rektoru İradə Xəlilova çıxış etdi. O, tədbir üçün Xəzər Universiteti adından gül səbəti təqdim etdi.
Sonda təşkilatçılar tərəfindən dəstəyə görə rektor İradə Xəlilovaya təşəkkür plaketi təqdim olundu.
Anım mərasimində İctimai əlaqələr və media üzrə direktor Əlövsət Əmirbəyli, Təbiət Elmləri və Mühəndislik fakültəsinin dekanı Fəxrəndə Əfəndiyeva, İqtisadiyyat və menecment fakültəsinin dekan müavinləri Bahar İmanova, Xanım Öməroğlu və digərləri iştirak etdilər.