2023-cü il oktyabrın 17-də Xəzər Universiteti Tarix və arxeologiya departamentinin müəllimi Orxan Zamanovun rəhbərliyi ilə birinci kurs tələbələri üçün “Arxeologiya və etnoqrafiyanın əsasları” fənni üzrə növbəti dərs Şirvanşahlar saray kompleksində təşkil olunmuşdur. Tələbələr kompleksin ekspozisiyası və ərazisində açıq havada nümayiş etdirilən “Bayıl daşları” eksponatları ilə tanış olmuşlar.

Tələbələrə Azərbaycanın orta əsrlər maddi-mədəni irsinin əyani tədrisi məqsədilə təşkil olunmuş təlim-dərsdə milli memarlıq irsinin təşəkkülü və öyrənilməsi, aşkara çıxarılmış eksponatlar və tikili qalıqları, Şirvanşahlar dövləti, onun tarixi, fəaliyyəti, saray həyatı, sarayın memarlığı, orta əsr etnoqrafiyası, aparılan tədqiqatlar, həmçinin, “Bayıl daşları” barədə geniş məlumat verilmişdir.

Böyük maraqla qarşılanan ekskursiya-dərs tələbələrin suallarının cavablandırılması və müzakirələrlə yekunlaşmışdır.