2023-cü il oktyabrın 4-də Xəzər Universitetində Azərbaycan Respublikası Mədəniyyət Nazirliyinin dəstəyi, Azərbaycan Respublikası Kino Agentliyi (ARKA), Azərbaycan Animasiya Assosiasiyası və Azərbaycan Prodüserlər Gildiyasının təşkilatçılığı ilə “Prodüserlərin inkişaf təlimi” və “Animatorların inkişaf proqramı” adlı təlimlərin infosessiyaları təşkil olundu. Tədbirdə tələbə-müəllim heyəti ilə yanaşı Xəzər Universiteti Memarlıq və dizayn departamentinin müdiri Dos. Şəhla Abbasova, Azərbaycan Animasiya Assosiasiyası İdarə Heyətinin sədri Rəşid Ağamalıyev, Azərbaycan Prodüserlər Gildiyasının sədri Fikrin Bektaş, rejissor Firəngiz Bağırova iştirak etdilər.

Təlimlər Mədəni və yaradıcı sənayelər üzrə tədris və inkubasiya mərkəzində keçiriləcək. Ən uğurlu iştirakçıların işlə təmin olunması və beynəlxalq layihələrə cəlb edilməsi nəzərdə tutulub.

Təlimlərə qeydiyyat davam edir: edu.creative.az vasitəsilə həyata keçirilir.

Təlimlər Azərbaycan Respublikası Prezidentinin 2022-ci il 22 iyul tarixli 3378 nömrəli sərəncamı ilə təsdiq edilmiş “Azərbaycan Respublikasının 2022-2026-cı illərdə sosial-iqtisadi inkişaf strategiyası”nın tədbirlər planının 1.1.14-cü yarımbəndinə uyğun olaraq təşkil olunur.