2023-cü il oktyabrın 6-da Çinin Xi'an Texnologiya Universitetinin (XUT) tədqiqatçısı Dr. Guo MengFei nanotexnologiya sahəsinin inkişafı çərçivəsində Xəzər Universitetinin Nanotexnologiya laboratoriyasına gəlib, yerli tədqiqatçılarla görüşmüşdür. Səfər zamanı Dr. Quo MenqFei birgə tədqiqat təşəbbüsləri və tədqiqatçı mübadilə proqramları üzrə potensial əməkdaşlıqlar haqqında müzakirələr aparmışdır.

Dr. Quo MenqFei`nin səfəri nanotexnologiya və aerokosmik mühəndislik sahəsində beynəlxalq əməkdaşlığın artan əhəmiyyətinin sübutudur. Çinin iqtisadi və sosial inkişafının ehtiyaclarını ödəmək öhdəliyi ilə tanınan XUT öz tələbələri arasında yaradıcı intellekti, nəzəri bilik və praktiki bacarıqları inkişaf etdirmək sahəsində zəngin ənənəyə malikdir. Bununla yanaşı, beynəlxalq təhsil əməkdaşlığı və mübadilə imkanlarını da fəal şəkildə araşdırır. Universitet ingilis və çin dillərində ikidilli tədris metodlarından istifadə edir.

Xəzər Universitetindəki görüş nanotexnologiya tədqiqatlarında qlobal tərəfdaşlığın gücləndirilməsi sahəsində daha bir addım oldu.