2023-cü il sentyabrın 29-da Xəzər Universitetinin rektoru Dos. İradə Xəlilova, Təbiət elmləri və mühəndislik fakültəsinin dekanı Dr. Fəxrəndə Əfəndiyeva, Neft mühəndisliyi departamentinin müdiri Dr. Elşən Abdullayev və həmin departamentin əməkdaşı Dr. Grigorii Penkov Azərbaycan Neftçi Geoloqlar Cəmiyyəti (ANGC) QHT-nin 30 illik fəaliyyətinə həsr olunmuş tədbirdə iştirak etmişlər.

Xəzər Universiteti ilə ANGC arasında sıx əməkdaşlıq mövcuddur. Bu əməkdaşlıq çərçivəsində Neft mühəndisliyi departamentinin tələbələrinə istehsalat mütəxəssisləri tərəfindən çoxsaylı treninqlər keçirilmişdir. Həmçinin, tələbələr üçün geoloji çöl işləri aparılmışdır. Əməkdaşlıq çərçivəsində ANGC -nin Xəzər Universitetində ofisi açılmışdır.

Əməkdaşlığın yüksək səviyyədə olmasına görə Xəzər Universitetinin rektoru İradə Xəlilova “Azərbaycan Neftçi Geoloqlar Cəmiyyətinin dostu” mükafatına layiq görülmüşdür.