2023-cü il sentyabrın 30-da Türkiyədən Xaricdəki Türklər və Əqrəba İcmaları İdarəsinin və Azərbaycandan Türkiyə Məzunu Ziyalılar və İş adamları Platformasının təşkilatçılığı ilə Bakıda Beynəlxalq Türkiyə Məzunlarının Azərbaycan Toplantısı keçirilib.

İlk dəfə Azərbaycanda təşkil edilən görüşdə elm və təhsil naziri Emin Əmrullayev, (YTB) sədri Abdullah Ərən, Azərbaycanın Diasporla İş üzrə Dövlət Komitəsinin sədri Fuad Muradov, KKTC Baş nazirinin müavini Fikri Ataoğlu, Türkiyə Kosmik Agentliyinin Prezidenti Serdar Hüseyn Yıldırım, Türkiyənin Azərbaycandakı səfiri Cahit Bağcı, Azərbaycanın millət vəkilləri və dünyanın 21 müxtəlif ölkəsindən məzunlar birliklərinin nümayəndələri iştirak etmişlər.

Xəzər Universitetinin Humanitar, təhsil və sosial elmlər fakültəsinin dekanı Dos. Elza Səmədova cari qlobal məsələlərin və Azərbaycanın geosiyasi önəminin müzakirə olunduğu tədbirdə panelist qismində çıxış etmişdir.