Türkan Səmədova “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində Azərbaycan Respublikasının Təhsil Nazirliyi və Xəzər Universiteti ilə üçtərəfli müqavilə əsasında Fransanın Monpelye Universitetində “İmmunogenetika” ixtisası üzrə doktorantura təhsili alır.

Doktorant 21 sentyabr 2023-cü il sentyabrın 21-də Xəzər Universitetində “Primatlarda İmmunoqlobulin (IG) lokuslarının genomik tədqiqi” adlı seminarda çıxış etdi. Seminarda Həyat Elmləri departamentinin müəllim heyəti ilə yanaşı, biologiya müəllimliyi, kimya və biologiya müəlllimliyi ixtisasları üzrə təhsil alan II, III və IV kurs tələbləri də iştirak etdi. Seminarda immunoqlobulinlərin sintezi, genlərin prototipləri, məlumat bazalarında mövcud referenslər əsasında genlərin axtarışı və müqayisəli təhlili haqqında ətraflı təqdimat olundu. Təqdimatdan sonra Türkan Səmədova iştirakçıların suallarını cavablandırdı və mövzuya dair maraqlı müzakirələr aparıldı.