2023-cü il iyulun 19-da Pakistanın Məhəmməd Əli Cinna Universitetinin əməkdaşları – Həyat elmləri fakültəsinin dekanı Prof. Dr. M. Kamran Azim həmkarı ilə birlikdə Xəzər Universitetində oldular.

Qonaqlar universitetin rektoru Dos. İradə Xəlilova, Beynəlxalq əlaqələr üzrə prorektor Vlad Alex Vernygora, Həyat elmləri departamentinin koordinatoru Cəmalə Eldarova və Beynəlxalq əlaqələr ofisinin koordinatoru Fatimə Vəliyeva ilə görüşdülər. Görüşdə iki universitet arasında əməkdaşlıq məsələləri müzakirə edildi.

Görüşün sonunda tərəflər arasında hədiyyə mübadiləsi oldu.

Sonra Kitabxana İnformasiya Mərkəzinin direktor müavini Aytac Misgərli qonaqları kitabxananın, Cəmalə Eldarova Hüceyrə Patologiyası Tədqiqat Mərkəzinin fəaliyyəti ilə tanış etdilər.

Növbəti gündə qonaqlar Gəncə “Dünya” məktəbinə səfər ediblər. Onlar məktəbin direktoru Vahid Həsənli ilə görüşmüş və məktəbin fəaliyyəti ilə yaxından tanış olublar.