2023-cü il iyulun 7-də Xəzər Universitetinin Karyera mərkəzinin meneceri Səbinə Allahverənova və assistenti Mustafa Həsənli Dövlət Məşğulluq Agentliyinin (DMA) təşkil etdiyi tədbirdə iştirak etdilər. Görüşə Azərbaycanın digər universitetlərinin Karyera qurumlarının əməkdaşları da dəvət olunmuşdu.

DMA-nın müdir müavini Lalə Rəsulova Vəlizadə agentliyin son bir il ərzindəki fəaliyyəti, İşsiz şəxslərlə iş departamentinin şöbə müdiri Famil Nəcibli dövlət səviyyəsində görülən işlər və xidmətlər və Mərkəzi karyera filialının müdiri Toğrul Ələkbərov yeni tətbiq olunan sistem və mexanizmlər haqqında məlumat verərək, əməkdaşlığın əhəmiyyətli rol oynadığını qeyd etdilər.

DMA-nın karyera mərkəzlərinə tövsiyə etdiyi əməkdaşlıq istiqamətləri ilə bağlı müzakirələr aparıldı.