29 iyun-4 iyul 

Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı Çinin Çinqdao şəhərinə səfər etmişdir

Xəzər Universitetinin təsisçisi, Direktorlar və Qəyyumlar Şurasının sədri professor, akademik Hamlet İsaxanlı Çində iştirak etdiyi Dünya Çinşünaslar Konfransı və Üçüncü Sivilizasiyalararası Dialoq Konfransı çərçivəsində Çinqdao şəhərinə səfər etmişdir. Səfər çərçvəsində çoxsaylı görüşlər keçirən Hamlet İsaxanlı Çinqdao şəhərinin Sihayan rayonundakı 2 saylı ibtidai məktəbdə də olmuş, şagirdlər tərəfindən təşkil olunan “Musiqi sərhəd tanımır” festivalında iştirak etmişdir. Səfər çərçivəsində Sihayan rayon təhsil idarəsinin rəsmi şəxsləri ilə görüş keçirilmiş, rayonun müvafiq məktəbləri və “Dünya” məktəbi arasında şagird mübadiləsinin həyata keçirilməsi təklifi müzakirə olunmuşdur.

Qeyd edək ki, 2 saylı ibtidai məktəbdə 2000 mindən çox şagird təhsil alır, hər bir şagird mütləq şəkildə bir musiqi alətində məharətlə ifa edir. Məktəbin milli və klassik musiqi alətlərindən ibarət orkestrı bütün Çində məşhurdur.