2023-cü il iyulun 5-də Xəzər Universitetinin rektoru dosent İradə Xəlilova, universitetin mentorları Fəridə Tatardar, Mehdi Kiyasatfar, Lalə Cəfərova, Humay Hüseynova, Kəmalə Mustafayeva və universitetin “Healmet” komandası Gələcək üçün Bacarıqlar layihəsi çərçivəsində “100 illiyin gələcəyi” adlı yekun tədbirdə iştirak ediblər.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin (VXSDA) “İnnovasiyalar Mərkəzi” tərəfindən reallaşdırılan, “BP Azərbaycan” şirkətinin sponsorluğu və “Azərikard” MMC-nin təşkilati dəstəyi ilə baş tutan tədbir Ümummilli Lider Heydər Əliyevin 100 illik yubileyinə həsr olunub.

Tədbirdə təhsil naziri Emin Əmrullayev, VXSDA-nın sədri Ülvi Mehdiyev, sədrin müavini Ceyhun Salmanov, BP-nin Xəzər bölgəsində Xarici əlaqələr və kommunikasiya üzrə vitse-prezidenti Bəxtiyar Aslanbəyli, digər qurumları təmsil edən şəxslər, universitet rektorları, mentorlar, tələbələr və qonaqlar iştirak

Açılış mərasimində VXSDA-nın sədri Ülvi Mehdiyev, elm və təhsil naziri Emin Əmrullayev, BP-nin Xəzər bölgəsində xarici əlaqələr və kommunikasiya üzrə vitse-prezidenti Bəxtiyar Aslanbəyli çıxış ediblər.

Tədbir zamanı həm Heydər Əliyevin çoxşaxəli fəaliyyətinə həsr olunmuş, həm də layihə çərçivəsində görülmüş işləri əks etdirən videoçarxlar nümayiş olunub.

Sonra müxtəlif universitetləri təmsil edən mentorların layihənin yekunu olaraq formalaşdırdıqları 19 startap komandası öz startaplarını münsiflər heyətinə təqdim edib. Xəzər Universitetinin Healmet komandası da öz startapını uğurla nümayiş etdirib. Startap motosikl qəzalarının qarşını almaq məqsədilə yaradılan ağıllı sistem üzərində qurulub.

Rəsmi hissənin sonunda elm və təhsil naziri Emin Əmrullayevə, həmçinin BP-nin Xəzər bölgəsində xarici əlaqələr və kommunikasiya üzrə vitse-prezidenti Bəxtiyar Aslanbəyliyə “Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin 10 illiyi (2012-2022)” yubiley medalı təqdim edilib.

Daha sonra innovasiya ekosisteminə dəstək olan universitet rektorlarına Ülvi Mehdiyev tərəfindən “ASAN xidmət” ilə səmərəli əməkdaşlığa görə” Azərbaycan Respublikasının medalı təqdim olunub.

Sonda layihənin II Mentorluq Proqramının iştirakçılarına sertifikatlar verilib.