2023-cü il iyunun 12-17-də Türkiyənin Sabancı Universitetinin Layihə meneceri Zehra Efe Korkmaz Erasmus+ İşçi Heyətinin Mübadilə Proqramı (Erasmus+ KA107171) çərçivəsində Xəzər Universitetinin Beynəlxalq əlaqələr ofisi və Karyera inkişaf mərkəzi tərəfindən qəbul edildi.

Proqramın ilk günü Beynəlxalq əlaqələr üzrə prorektor Vlad Vernygora, Beynəlxalq əlaqələr ofisinin koordinatoru Turan Əlizadə, Karyera inkişaf mərkəzinin Layihə rəhbəri Səbinə Quluyeva və layihə meneceri Səlimə Əhmədovanın türkiyəli qonaqla tanışlıq görüşü keçirildi. Görüşdə Vlad Vernygora Xəzər Universiteti haqqında ətraflı məlumat verdi. Beynəlxalq əlaqələr ofisi ilə də tanış olan nümayəndəni ofisin koordinatorları ofis və onun fəaliyyəti haqqında geniş məlumatlandırdılar.

Proqrama uyğun olaraq Kitabxana İnformasiya Mərkəzinin direktor müavini Aytac Misgərli qonağı mərkəzin fəaliyyəti ilə tanış etdi. Nailəxanım Mədəniyyət Mərkəzində ona görkəmli pedaqoq Nailəxanım İsayevanın həyat və fəaliyyətini əks etdirən eksponatlar haqqında məlumat verildi. Sonra Fizika və elektronika departamentinin müdiri Fəridə Tatardarla görüşən qonaq departament və laboratoriyanın fəaliyyəti ilə tanış oldu.

Proqramın növbəti günündə Vlad Vernygora ilə Zehra Efe Korkmaz arasında Xəzər Universiteti və Sabancı Universitetinin proqramları haqqında fikir mübadiləsi aparıldı.

Sonra qonaq və Beynəlxalq əlaqələr ofisinin koordinatoru Turan Əlizadə “Atəşgah məbədi” Dövlət Tarix-Memarlıq Qoruğunda ekskursiyada oldular.

Proqramın sonunda nümayəndə heyətinə sertifikat və hədiyyə təqdim edilmişdir.