2023-cü il iyunun 24-də Erasmus+ PICASP layihəsi çərçivəsində Xəzər Universiteti və layihənin koordinatoru Chieti-Pescara "G.d'Annunzio" Universitetinin iştirakı ilə virtual görüş keçirildi. Xəzər Universitetini İnkişaf ofisinin rəhbəri Raziyə İsayeva, İnkişaf ofisində layihə meneceri Səlimə Əhmədova, Chieti-Pescara "G.d'Annunzio" Universitetini isə PICASP Potensialın Gücləndirilməsi Erasmus Layihəsinin İnzibati və Maliyyə Meneceri Brunilda Simaku təmsil etdilər.

Xəzər Universiteti və Chieti-Pescara “G.d’Annunzio” Universitetinin nümayəndələri layihə çərçivəsində nəzərdə tutulan tədbirlər, qarşıda duran məsələlər və layihənin son ili ərzində görüləcək işlər barədə fikirlərini bildiriblər. Bu görüşdə əsasən maliyyə məsələləri və qarşıdan gələn Vilnüs səfərinin təfərrüatları müzakirə olunub.