2023-cü il iyunun 19-20-də Psixologiya departamentinin "Klinik psixologiya" və “Ümumi psixologiya” ixtisasları üzrə magistr tələbələrinin dissertasiyalarının müdafiəsi keçirilmişdir.

Departamentin Klinik psixologiya ixtisası üzrə magistrantları Aynur İsmayıllı “Anadangəlmə və sonradan qazanılmış fiziki məhdudiyyəti olan şəxslərdə depressiyanın müqayisəli təhlili”, Ceyla Kələntərli “Boşanmış qadınlarda stress səviyyələri və stressin yaranmasına təsir edən faktorların təhlili”, Nəzrin İmanova “Qazilərdə yaranmış təşvişli həyəcan pozuntusunun münasibətlərə təsiri”, Nailə Xudiyeva “Gənclərdə sosial fobiya ilə internet asılılığı arasindakı əlaqənin öyrənilməsi”, Fidan Məmmədova “Yeniyetmələrdə sosial fobiya və bağlanma üslubları arasındakı əlaqə”, Aytac Əskərli “Bullinqə məruz qalan məktəblilərdə psixopatoloji halların tədqiqi”, Aynur Xosrəvi Baçemir “Xərçəng xəstəliyindən əziyyət çəkən şəxslərin yaxınlarında depressiya və təşviş səviyyələrinin təhlili”, Aytac Niftilli “Müasir dövrdə gənclərdə psixoaktiv maddə asılılığının yaranmasına səbəb olan amillərin təhlili”, Nuray Səfərli “Boşanmış qadınların cəmiyyətə adaptasiyasının psixoloji aspektləri”, Ləman Hidayətova “0-6 yaş arası autizmli uşaqların koqnitiv funksiyalarinin inkişafinda ABA terapiyanın rolunun təhlili”, Ümumi psixologiya ixtisası üzrə isə Ayna İsazadə “Yeniyetmələrdə intihar düşüncəsində valideynlik üslublarının rolu”, Xəyalə Ələkbərova “Z nəslinin informasiya texnologiyalarından istifadəsi ilə sosial intellekt arasındakı əlaqəsi” mövzularında dissertasiya işlərini müdafiə etmişlər.

Psixologiya sahəsi üzrə fəlsəfə doktoru Ceyhun Alıyevin sədrliyi ilə keçirilən müdafiədə komissiya üzvləri Dos. Müşviq Mustafayev, Dos. Kamilə Kazımova, Dos. Ləman Verdiyeva, Məhəmməd Eldarov və departamentin koordinatoru Mələk Kərimova, elmi rəhbərlər Dos.Sevinc Allahyarova və Dos.Lalə Cabbarova tələbələrin çıxışlarını dinləmiş və işləri ilə bağlı müxtəlif suallar ünvanlamışlar. Sonda komissiya üzvlərinin ortaq qərarına əsasən magistrantların elmi işləri müsbət qiymətləndirilmişdir.