2023-cü il iyunun 14-də və 19-da Xəzər Universiteti Siyasi elmlər və fəlsəfə departamentində departamentin müdiri Dr. Orxan Vəliyev, komissiya sədrləri Dr. Vasif Hüseynov və Dos. Mehman Həsənov, departamentin müəllimləri Dr. Fərid Quliyev, Dr. Anar Cəfərov və Prof. Vəsilə Hacıyevanın iştirakı ilə magistrantların dissertasiya işlərinin müdafiəsi keçirilmişdir.
Departamentin Konfliktologiya ixtisası üzrə magistrantı Əzizə Vidadinin “Nəzəriyyə və təcrübədə rəqəmsal diplomatiya: Azərbaycan nümunəsi” (“Digital diplomacy in Theory and Practice: A Case Study of Azerbaijan”), Regionşünaslıq ixtisası üzrə magistrantları Rahil Dadaşlının “Ukrayna böhranı dövründə Avropa İttifaqının miqrasiya siyasəti” (“The European Union's migration policy during the Crisis in Ukraine”) və Raul Qarayevin “Şərq qonşuluğunda təhlükəsizlik: Avropa İttifaqının ümumi təhlükəsizlik və müdafiə siyasətinin effektivliyi” (“Security in the Eastern Neighbourhood: The Effectiveness of the EU’s Common Security and Defence Policy”), Beynəlxalq münasibətlər və diplomatiya ixtisası üzrə magistrantları Məryəm Xanbabazadənin “Çinin bir kəmər, bir yol layihəsi və onun Xəzər hövzəsinə təsiri” (“China’s Belt and Road initiative and its impact on the Caspian basin”), Pünhan Abdurrahmanzadənin “İkinci Qarabağ müharibəsi sonrası Azərbaycan Respublikasının xarici siyasəti: Azərbaycan-İran münasibətlərinin klassik realizm nəzəriyyəsi perspektivindən təhlili” (“Foreign policy of the Republic of Azerbaijan after the Second Karabakh War: Analysis of Azerbaijan-Iran relations from classic realism perspective”), Qənirə Moylamovanın “ATƏT və postsovet məkanında silahlı münaqişələrin vasitəçiliyi” (“The OSCE and the Mediation of Armed Conflicts in the Post-Soviet Space”), Əvəz Rəhimovun “İkinci Qarabağ müharibəsindən sonra Ermənistan hakimiyyətinin xarici siyasət kursu və diaspora-Ermənistan münasibətləri” (“The role of diaspora in shaping the foreign policy choice of Armenia”) mövzularında dissertasiyalarının müdafiəsi keçirilmişdir.
Tələbələr öz mövzuları ilə bağlı qısa təqdimatla çıxış etmiş, ilkin müzakirələrdə bildirilmiş iradları aradan qaldırdıqlarını xüsusilə vurğulamış, sualları cavablandırmışlar. Magistrantların elmi işləri müsbət qiymətləndirilmişdir.