2023-cü il iyunun 12-16-da Xəzər Universiteti Beynəlxalq Əlaqələr Ofisi üzrə koordinatoru Arzu Bədəlova Erasmus+ İşçi heyətinin mübadiləsi proqramı (KA 107) çərçivəsində Türkiyənin Orta Doğu Texniki Universitetinin (ODTU) təşkil etdiyi Beynəlxalq İşçi Həftəsində iştirak edib.

Tədbirin ilk günü universitetin Beynəlxalq əlaqələr şöbəsi tərəfindən proqramda iştirak edən universitet nümayəndələrinin tanışlıq məqsədilə görüşü keçirilmiş və universitetin kampusu ətrafında kiçik tur təşkil edilmişdir.

Tədbirin ikinci günü Yeni Bolqarıstan Universiteti, Grand Valley Universiteti və İbadan Universitetinin iştirakı ilə beynəlmiləlləşmə sahəsində açıq panel müzakirəsi təşkil olunmuşdur.

Növbəti günlərdə Ankara şəhərinin Beypazarı bölgəsinə və şəhərin digər tarixi və mədəni abidələrinə ekskursiya təşkil olunmuşdur.

Qeyd edək ki, proqramda Xəzər Universiteti ilə bərabər Grand Valley Universiteti, Varşava Universiteti, Budapeşt Metropolitan Universiteti, Tirana Universiteti və s. universitet nümayəndələri iştirak etmişlər.

Tədbirin sonunda hər bir iştirakçı Orta Şərq Texniki Universitetinin Beynəlxalq əlaqələr şöbəsi tərəfindən sertifikatla təltif olunmuşdur.